O Barómetro de Cangas

O Barómetro de Cangas é un proxecto encadrado na área de Matemáticas de 3º de ESO do Colexio Compañía de María de Cangas. Con él pretendemos coñecer a realidade do noso Concello ademais de que o alumnado da área aplique o aprendido no bloque de estatística nun contexto real.

O traballo consta de varias fases:

1. Elección da temática e población obxectivo de estudo.
2. Fase de documentación: na que recopilamos e estudamos informes relacionados doutras institucións.
3. Elaboración da enquisa: utilizamos tanto preguntas extraídas doutros estudos a nivel nacional e autonómico, como outras propostas polo propio alumnado.
4. Difusión da enquisa e recollida de datos: a través de internet (redes sociais, formularios, links, ...) ou por entrevistas persoais.
5. Tratamento dos datos: por grupos e de forma colaborativa, elaboramos táboas de frecuencias, gráficos e parámetros estatísticos.
6. Elaboración final do informe: no que traballan alumnos dos distintos grupos.
7. Publicación de resultados: neste blog, na web do centro, medios de comunicacións ou organismos oficiais (Concello, Xunta, ...)

Barómetros xa publicados:

• Barómetro de Cangas 2016: É sexista a nosa sociedade? Este traballo obtivo a Mención Especial do Xurado no concurso "VI Incubadora de Sondaxes e Experimentos" que organiza a Sociedade de Estatística e da Investigación de Operacións (Sgapeio), coa colaboración da Consellería de Educación, Instituto Galego de Estadística, Facultade de Matemáticas de Santiago e a Fundación Barrié.
• Barómetro de Cangas 2015: no que analizamos a situación dos maiores do noso Concello. 
• Barómetro da Xuventude Canguesa 2013: no que intentamos atopar resposta á pregunta de como é a xuventude de Cangas comparada coa da nosa comunidade e estado.
• Barómetro da Xuventude Canguesa 2012
• Barómetro da Xuventude Canguesa 2011