Curso #EdtechMooc "Liderazgo en tecnología educativa"

Entre o 10 de maio e o 12 de xuño de 2018 tiven a oportunidade de participar na 1ª edición do curso do Intef "Liderazgo en tecnogía educativa" #EdtechMooc. O obxectivo principal deste curso deseñado por Andoni Sanz non era outro que o de aprender a analizar, deseñar e poñer en marcha solucións sustentadas na tecnoloxía educativa, integrando contidos, pedagoxía e tecnoloxía de forma eficiente.
O itinerario deste curso é o seguinte:

1. Universo Edtech
2. Análise Edtech
3. Deseño Edtech
4. Implantación Edtech
5. Innovación Edtech

Dada a miña responsabilidade como Coordinador TIC do Colexio Compañía de María de Cangas considerei que era o curso ideal para min e non me equivoquei.
A continuación paso a expoñer a miña modesta contribución a este curso cos 5 retos, un por semana, que tivemos que superar para obter a insignia final.

Reto 1 #EdtechMooc Tarxeta de presentación e autodiagnóstico

Este reto cumpría unha dobre función: coñecernos como participantes no curso e facer un autodiagnóstico basado en diferentes índices de referencia. Obtei por resumir os meus resultados na seguinte infografía:

• Índice Klout.

• Madurez tecnológica: con Ikanos (Avanzado)

Sen dúbida é imprescindible saber de donde partimos para poder avanzar.

Reto 2 #EdtechMooc Creación dunha rúbrica de avaliación

O segundo reto deste curso de "Liderazgo en Tecnología Educativa" consitía na elboración dunha rúbrica de avaliación que nos permitise escoller a mellor ferramenta para resolver un requisito funcional do noso centro.
O meu requisito funcional elexido foi a necesidade de atopar a mellor aplicación de follas de cálculo para traballar a parte de estatística da área de Matemáticas na ESO.
Para elo tiven en conta algunhas cuestións previas:

• Dispoñemos dun carro de netbooks para levar ás aulas.
• Tódolos alumnos de Secundaria do centro dispoñen dunha conta "G Suite for Education" polo que teñen acceso ás aplicaciones ofimáticas de Google.
• Non dispoñemos de conexión a internet por fibra óptica o que dificulta en ocasións a utilización de servizos na nube.
• O traballo cooperativo é unha das liñas estratéxicas do centro actualmente.

Na seguinte presentación detallo o proceso seguido así como o resultado final:

Como pode verse na presentación as follas de cálculo de Google obtiveron 26 puntos por 19 de Excel en local. Entendo que noutro contexto a elección de indicadores, a valoración dos mesmos e, polo tanto, o resultado final serían diferentes.
Evidentemente o obxectivo desta parte do curso era o establecemento dunha metodoloxía de avaliación dos recursos tecnolóxicos rigorosa que minimice subxectividades e problemas futuros.

Reto 3 #EdtechMooc Deseño dunha solución educativa

Para este Reto 3 necesitábamos crear unha solución educativa con tecnoloxía. Para isto era necesario realizar unha serie de pasos como:

1. Deseñar un proceso instrucional.
2. Marcar os distintos espazos de aprendizaxe.
3. Establecer as ferramentas a utilizar.
4. Analiza-los productos xerados.
5. Establecer un plan de continxencia.

  Nesta presentación resumín todo este reto:

Reto 4 #EdtechMooc A implantación Edtech

A creación dun Plan de Implantación Edtech era el Reto 4 del curso #EdtechMooc. Nesta ocasión establecemos un plan para implantar tecnoloxía educativa na área de Matemáticas na ESO no noso centro.
O documento elaborado tiña que conter os seguintes aspectos:

1. Riscos
2. Resistencias
3. Matriz TIM
4. Estratexia de difusión 

Todo o Plan detállase neste documento.

Como unha das claves para vencer resistencias é realizar unha presentación motivadora aquí tedes a nosa proposta para este "Proxecto MatTicamos":

Reto 5 #EdtechMooc A miña idea sobre a innovación tecnoeducativa

Para este reto final do curso "Liderazgo en Tecnología Educativa" do Intef tíñamos que elaborar un vídeo no que resumir a nosa visión sobre este tema.
Pedíasenos un vídeo en formato PechaKucha con 20 diapositivas de 20 segundos cada unha. O meu esquema de exposición foi o seguinte:

1. Presentación
2. A miña idea de innovación
3. Experiencias que tiven neste campo
4. Recoñecementos ao meu labor
5. Propostas
6. Equipa que o realizará
7. Donde e cando
8. Resistencias potenciais
9. Indicadores
10. A miña rede de aprendizaxe personal
11. A miña visión Edtech

Resultou bastante difícil axustarse de forma tan estricta aos tempos e creo que algúns puntos precisarían unha explicación máis polo miúdo pero aquí está o resultado:



Resaltar a calidade deste curso así como dos participantes no mesmo, que o fixeron moi enriquecedor para todos. Pola miña parte agradecer as aportacións de profesores e compañeiros que me resultaron de moita axuda e me aportaron novas ideas. Agardo ter sido quen de poñer o meu gran de area na contribución xeral.

Esta entrada ten por finalidade motivar e servir como guía a outros compañeiros docentes que realicen este curso en futuras edicións.